ليـه ؟؟
خايف أتوب وميقلبنيش خايف أترك الحرام وميعوضنيش بالحلال خايف
محققش حلمي أصله صعب قوي خايف أضيع في الدنيا دي
أستووووووووب هو أنت مين ؟؟ .....أنا عبد الله
ولما انت عبد الله ليه خايف من أقدار الله ؟؟؟؟
هو انت نسيت مين ربك ؟؟
نسيت الرحمه والحنيه نسيت العظمه والقدره الألهيه ؟؟
فاكر كلامه ؟ فاكر لما قالك
عبدى منى كان الخلق .. وعليا دوام الرزق
منى كان الايجاد .. وعليا دوام الامداد
أأبرزك الى كونى وامنعك عونى؟!! .. أأخرجك الى وجودى وامنعك جودى؟!!
فيك اظهرت رحمتى .. وعليك انزلت نعمتى
وادخرت لك عندى جنتى .. (ولن اتركك الا وان اتحفك برؤيتى)
أزاي تُشك وتنسي رحمه وحنيه ربنا أزاي مش حاسس بجمال كلمه عبدي منه
أزاي خايف تتوب أزاي شاكك إن ممكن ميقبلش توبتك ده بيقولك
(يا ابن آدم إنك ما دعوتني ورجوتني غفرت لك على ما كان فيك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة)
أنت فين من الكلام ده ؟؟؟ ده بيقولك لو بلغت ذوبك عنان السماء ثم
استغفرتني غفرت لك ولا أُبالي خايف من إيه خايف من الرحمن الرحيم
اللي أقرب ليك من حبل الوريد وانت لو خوفت منه وبعدت ليك مين غيره ؟
روحله قول أنا عملت ذنوب الدنيا كلها وجايلك ندمان جايلك مكسور
خدني تاني لطريقك ألحقني ومتسبنيش لنفسي الأماره بالسوء
قوله أنا عارف إن ذنوبي كتير بس عارف إ‘ن عفوك وكرمك أكبر بكتيييييييير
كلمه وانت واثق إنه سمعك وحاسس بيك وهيقبل توبتك
ربك اللي حول العصا لثعبان ربك اللي جعل الرضيع يتكلم ربك اللي شق
البحر ربك اللي خلق السموات بغير عمدان ربك اللي زين الجنه ليك
تفتكر صعب عليه يريح قلبك ؟؟
صعب عليه يحقق حلمك ؟
صعب عليه يُجبر خاطرك ؟
متقولش ازاي ربك يقل للشئ كن فيكون
أدعي وانت واثق فيه وبكرمه واحسن الظن بالله
أنا عند ظن عبدي بي
روح لربكـ واطمن
0 التعليقات :
إرسال تعليق